Schlof, mei Engerl, tuif und fejst,
die Eigalan moch zui.
Ho kua Aungst und hoit mei Haund,
aft´ find di Söö a Rui.
Lous, die Frejsch, am Aunga drunt,
sej singan da a Liad.
Irgendwou kötzt nau a Hund,
wiad und wiad nit miad.
Schlof, soulaungs d´ nau schlofn kuust,
munkl di fejst ei!
Woar i heit mol bees mit dir,
kränk di net, vazeih!
Tram, soulaungs d´ nau trama kuust,
S´Wei-da zuig vorbei!
I blei bei dir, i geh nit fuat,
Schlof, mei Kind, schlof ei.
